அன்னையைத் தேடும் குழந்தை

ஓடி ஓடிக் களைத்துச் சோர்ந்துவிடட 

குழந்தைபோல் மனமும் 

சுருண்டு படுத்துக் கொண்டுவிடவே 

துடிக்கிறது

இயல்பாய் சுருண்டுகொள்ளும் 

பூனைக்குட்டிபோல் உன் மடியில்...

அன்னையைத் தேடும் குழந்தைபோல் 

உனைத் தேடுகிறேனின்று 

இன்னோர் குழந்தையாய் எனையுன் 

மடிசேர்த்துக் கொள்வாயா 

ஆண்டவனே...

கரைந்தழியும் மனது..

ஒவ்வொரு தடவையும் 

உன்னிலிருந்து விலக எத்தனித்து 

நடுவில் ஒன்றை நிறுத்தி 

தன்னைத் திரட்டியெடுத்து 

தனியே நிற்கிறது மனது..

ஆனாலும் அதையும் 

மீறிய ஒன்று அந்த 

மனதை உடைத்து சுக்கல்களாக்கி 

மீண்டும் உன்னிலேயே 

மேலும் மேலுமெனக் 

கரைந்தழியச் செய்கிறது....